دەم پارتی سەرکۆنەی دانانی قەییوم بۆ گەورەشارەوانیی وان دەکات
تولای هاتیمئۆغوڵڵاری و تونجەر باکرهان، هاوسەرۆکانی پارتی یەکسانی و دیموکراسیی گەلان لە کۆنفرانسێکی ڕۆژنامەوانی لە ئەنقەرە سەرکۆنەی دانانی قەییوم بۆ گەورەشارەوانیی وان لە کوردستانی تورکیا دەکەن و لەوبارەوە هاتیمئۆغوڵڵاری گوتی: ئەو پرسیارە ئاراستەی دەسەڵاتی تورکیا دەکەن کە "ئێوە ئەمڕۆ بە دانانی قەییوم بۆ وان دەتانەوێت چی بکەن؟ لە سەردەمێکی وەهادا کە باس لە پرۆسەی ئاشتی لە تورکیا دەکرێت و گەل ئومێدی بەمە هەیە، ئامانجتان ئەوەیە کودەتا بەسەر پرۆسەی ئەم گفتوگۆیانەدا بکەن.

سەرۆکی فەڕەنسا جەخت لە بەشداری کردنی کورد لە پڕۆسەی سیاسی سووریا دەکات
ئێمانوێل ماکرۆن، سەرۆکی فەرەنسا ڕایگەیاند: "دەبێت هەموو هێزە سیاسییەکانی سووریا بەشداری لە پرۆسەی سیاسی ئەو وڵاتەدا بکەن  توانای رێزگرتن لە سەرجەم گرووپەکان یارمەتیدەرە بۆ بەدەستهێنانی سەقامگیری ناوبراو وتیشی پێویستە هێزەکانی سووریای دیموکرات لەگەڵ هێزە نیشتیمانییەکانی سووریا تێکەڵ بکرێن کە ئەوە یارمەتیدەر دەبێت بۆ ڕووبەڕووبوونەوەی تیرۆر لە ناوچەکەدا.

سەرۆکی هەرێمی کوردستان و وەزیری دەرەوەی بەریتانیا کۆ بوونەوە
نێچیرڤان بارزانی، سەرۆکی هەرێمی کوردستان لە پەراوێزی کۆنفرانسی ئاسایشی میونشن لە ئەڵمانیا لەگەڵ دەیڤد لامی، وەزیری دەرەوەی بەریتانیا کۆ بووە، بارزانی لەبارەی ناوەڕۆکی کۆبوونەوەکە لە پۆستێکی ئێکس دا دەڵێت: لەو کۆبوونەوەدا "باسمان لە بەهێزکردنی پەیوەندییەکانی هەرێمی کوردستان و عێراق لەگەڵ بەریتانیا و هەوڵە هاوبەشەکان بۆ ڕووبەڕووبوونەوەی ئاستەنگەکان کرد."